روجيه خوري لسوريا الاعلامية : اكتشفت نفسي بالصدفة والعالم جنت بصوتي

روجيه خوري لسوريا الاعلامية : اكتشفت نفسي بالصدفة والعالم جنت بصوتي

سوريا الاعلامية – حنين اللبان

من حضن كفرون السورية التي تعانقت بيوتها واتحدت على المحبة كان قلبه ينبض بالأحلام التي لم يكن يجد لها متنفساً آنذاك، لكن حدسه كان أقوى من أي عراقيل، وكان يعلم أنه سيصل إلى تحقيق حلمه يوماً ما وفي اللحظة التي ابتسمت له فيها الحياة أثبت أنه صاحب موهبة حقيقية عرفناه بأغنية “كاشفك والله” , و حققت أغنيته “ياكل الدني” انتشاراً واسعاً إنه النجم السوري روجيه خوري صاحب الابتسامة الجذابة والصوت الحساس الأكثر من رائع الذي التقيته في هذا الحوار الخاص بسوريا الإعلامية و كشف لنا الكثير عن جوانبه الشخصية :

 

– كيف كانت بدايتك في دخول عالم الفن؟
“بدايتي كانت بأغنية “كاشفك والله ” تعاملت فيها مع الشاعر فضل سليمان و الملحن حسان عيسى والتوزيع كان لعلي حسون والحمدلله لاقت محبة العالم و اكتشفت حالي صدفة بسهرة كاريوكي بمدينة دبي, غنيت و جنت العالم و صار كل حدا سهران يجي يطلب أغاني بصوتي”.

 

– من هو الشخص الذي شجعك على دخول هذا المجال؟ ومن قدوتك من الفنانين ؟
“ماحدا شجعني غير يلي شفتو من العالم بس و كيف كانوا عم يحبو صوتي لما غني , محبة الناس هي الدافع وأنا أدمن بصفحتي وعلى تواصل يومي مع كل الناس وعم رد عالكل وأحياناً بيروح النهار ومابحس.. محبة الناس هيي اللي بتحسسنا بقيمة اللي عم نعملو وبتعطينا الدافع للمثابرة والاستمرار”.
” قدوتي أكيد جورج وسوف مافي حدا متلو وأنا من المتعصبين له 100 %”

 

– هل من الممكن رؤيتك في المجال الفني كممثل أو منتج ؟
“بحب مثل و انشالله لبعد تصوير الكليب بشوف ردة فعل العالم على 4 دقائق تمثيل بالكليب و حسب محبة الناس بشوف و شي أكيد حسب الدور يلي رح يجيني بعد هيك”

 

– طموحك في الحياة إلى أين يصل؟
“ماحدا بيقدر يقلك طموحو لوين بيوصل بالأول كان همي أعمل غنية تحبا العالم أما حالياً صار أكتر و أكتر وأكتر
و كلما تقدم الواحد بيكبر طموحو و بيزيد”.

 

– لو لم تكن مغنياً ما المهنة التي كنت ستمتهنها؟
“لو ماكنت مطرب كنت بتمنى كون مطرب مابقدر أتخيل حالي مابغني , وفي حال مرضت أو راح صوتي شوي بموت قهر”.

 

– ما الذي يخطر ببالك عندما تسمع هذه الكلمات؟
كفرون : “بيتي أهلي رفقاتي قصصي طفولتي كل شي “.
سوريا : “بلدي برفع راسي فيه و بنبسط لما حدا يقلي منرفع راسنا فيك كسوريين وسوريا البلد الوحيد بالدني ماحدا بيحس حالو فيا غريب لو من وين ماكان مابخلص حكي عنا إذا بدي أحكي”.
هجرة : “بتمنى ما أسمعا”.
يا كل الدني : “أغنية شفت ع وجها الخير بحبا كتير”.
علي حسون : “ماحدا عندي متلو وعندو متلي , الصديق و الأخ و شريكي دائماً بكل شي عملتو ورح أعملو .
بيخطرلي بس أسمع أسمو غنية بغاية الروعة , اسمو يعني عمل ناجح”.
فادي مرجان : “صديق و غالي و برفع راسي فيه , كلماته ذهب وأسلوبه بياخد العقل
و بيستاهل كل النجاح يلي حققه لأن بيمتلك قلب أبيض من التلج , وبتشرف بألبومي بالتعامل معه بأكتر من أغنية “.
جورج وسوف : “مابينشبع من أغانيه و مابيجي متلو و ماحدا يغني بعدو”.
وديع الصافي : “أسطورة”.

 

– من المطرب العربي أو المطربة الذي ترغب بغناء ديو معه؟
“موضوع الديو رح تكون مفاجأة الألبوم الجديد انشالله”.

 

– ما هو الـ”cd” الموجود مع روجيه ويسمعه دائماً؟ وماهي أكثر أغنية تلامسك سواء باللحن أو الكلمات؟
“بسمع دائماً وسوف و وائل كفوري وملحم زين وأغنيتي بتنفسك هي أكتر أغنية بتأثر فيي”.

 

– ما هو برجك؟ وهل تؤمن بالأبراج؟
“برجي الحوت و ما بآمن فيا بس بتفائل بحكي الأبراج”.

 

– إن تمكنت من مسح شيء من ماضيك ماذا تختار؟
“مابختار أمسح شي من حياتي كلشي مرق تعلمت منو بحياتي”.

 

– ما احتمالية أن تكون شخص متسامح؟ وحتى على الخيانة؟
“أنا بنسى كتير و مابضيع وقتي و بتعب قلبي بالحقد على أي شخص وفي حال حدا غلط بحقي مابحط بقلبي وبترك الأمر للرب”.

 

– ماهي أكثر صفة تحبها في شخصيتك؟
“أكتر شي بحبو بحالي (حالي كتير)”.

 

– لو امتلكنا مصباحاً سحرياً وكان لديك أمنيات ماذا تختار؟
“أمنية وحدة بتمنى لو تصير تخلص الحرب بسوريا و بالدني كلها”.

 
– أخيراً ماذا ترغب أن تقول في تصريح حصري لسوريا الإعلامية عن مشاريعك القادمة؟
“بتصريح خاص لسوريا الإعلامية ألبومي انشالله قريباً كتير بالأسواق بيضم 8 أغاني و نصور أغنية أو أغنيتين منه”.

 

 

 

One thought on “روجيه خوري لسوريا الاعلامية : اكتشفت نفسي بالصدفة والعالم جنت بصوتي

اترك تعليقاً

لن يتم نشر عنوان بريدك الإلكتروني.

adana escort - escort adana - mersin escort - mersin escort bayan - escort